सेयर बजार लगातार चौथो कारोबार दिन घटेको छ। मंगलबार नेप्से परिसूचक १.५४ अंकले घट्दै २७३३ अंकमा कायम भएको छ।
दिउँसो १:२२ बजे नेप्से आजको न्यूनतम बिन्दु २७०२ अंकसम्म झरेको थियो। त्यसपछि बजार केही सम्हालिए पनि समग्रमा गिरावट नै देखिएको हो।
यसअघि पनि बजार लगातार तीन दिन घटेको थियो। बिहीबार १३ अंक, शुक्रबार ११ अंक र सोमबार २० अंकले नेप्से ओरालो लागेको थियो।
आज भने बजार घट्दा पनि कारोबार रकम भने बढेको छ। अघिल्लो दिन ४ अर्ब ८ करोडको कारोबार भएकोमा आज ६ अर्ब ४४ करोड रुपैयाँ बराबरको कारोबार भएको हो, जुन वैशाख १५ यताकै उच्च कारोबार हो।
आज १०५ कम्पनीको सेयर मूल्य बढ्दा १५१ कम्पनीको घटेको छ भने १५ कम्पनीको मूल्य स्थिर रहेको छ।
समूहगत सूचकतर्फ फाइनान्स समूह सबैभन्दा धेरै १.०१ प्रतिशतले घटेको छ। अन्य समूहमा उतारचढाव सीमित देखिएको छ।
बैंकिङ समूह ०.०३ अंक मात्र घटेको छ भने विकास बैंक ०.०६, लगानी ०.१२, जीवन बीमा ०.३७, माइक्रोफाइनान्स ०.२०, निर्जीवन बीमा ०.४६ र व्यापार समूह ०.३८ प्रतिशतले घटेका छन्।
अन्य समूह ०.२९, उत्पादन तथा प्रशोधन ०.२६, जलविद्युत् ०.०१ र होटल तथा पर्यटन समूह ०.१२ प्रतिशतले बढेको छ।
आज नयाँ सूचीकृत कम्पनीहरू सोपान फर्मास्युटिकल्स र कालिन्चोक हाइड्रोपावरको सेयर मूल्य सबैभन्दा धेरै १५ प्रतिशतले बढेको छ। यी दुवै कम्पनी हालै मात्र बजारमा सूचीकृत भएका हुन्।
त्यस्तै सप्तकोशी विकास बैंक १०.९८ प्रतिशत, उपकार लघुवित्त ८.७० प्रतिशत र अपर हेवाखोला हाइड्रोपावर ६.१७ प्रतिशतले बढेका छन्।
क्रेस्ट माइक्रोलाइफ इन्स्योरेन्सको सेयर मूल्य सबैभन्दा धेरै ९.१६ प्रतिशतले घटेको छ। सामुदायिक लघुवित्त ७.३७ प्रतिशत, कर्पोरेट डेभलपमेन्ट बैंक ४.३९ प्रतिशत र मल्टिपर्पस फाइनान्स ३.०५ प्रतिशतले घटेका छन्।
आज धेरै कारोबार भएका कम्पनीमा सेन्ट्रल फाइनान्स, आँखुखोला जलविद्युत्, अपर हेवाखोला, नेपाल रिइन्स्योरेन्स, रिडी पावर र शिवम् सिमेन्ट क्रमशः अगाडि रहेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
